თურქული სერიალების მოყვარული ქართველი ქალბატონების სათუთი სულისშემძვრელი, კიდევ ერთი სერიალი, რეჟისორ მუსთაფა შევქი დოღანისგან - "მერიემი". იგი კორეული დორამის - "საიდუმლო სიყვარული"-ს - რემეიკს წარმოადგენს... სერიალის მთავარი გმირი, მერიემი თავაზიანი გოგონაა, რომელიც ყველას უყვარს. ის, გზისპირა სადგურზე მუშაობს. სამუშაოსგან თავისუფალ დროს კი - მამას ეხმარება საცხობში, სადაც პური მზადდება. მერიემს შეყვარებული ჰყავს, რომელიც პროკურორია. მას ოქთაი ჰქვია. შეყვარებულები დაქორწინებას აპირებენ და მომავალის გეგმებს ადგენენ. თუმცა, ყველაფერი წამიერად იცვლება, როდესაც ოქთაი ავარიას გააკეთებს და ადამიანს გაიტანს. მერიემი თავს გაწირავს შეყვარებულისთვის, თავად დაიბრალებს ყველაფერს და ციხეში მის მაგივრად ჩაჯდება... ციხიდან გამოსვლის შემდეგ, მერიემის ცხოვრება რადიკალურად დამძიმდება: ჭორიკნობისგან ენაზე ტყავგაცლილი, მეზობლის ქალები, მას მკვლელს ეძახიან...