ეს ფილმი არის ყველაზე მასშტაბური ბიბლიური სიუჟეტების ეკრანიზაცია. როგორც ფილმის ავტორები აღნიშნავენ ფილმი გადაღებულია თანამედროვე ისტორიული სერიალების სტილში ცოცხალი სცენებისა და კომპიუტერული გრაფიკის მეშვეობით. მნახველის თვალწინ იშლება ნოეს დროინდელი ისტორია, ეგვიპტიდან გამოსვლა მოსეს მიერ, დაბადება, სიკვდილი და აღდგომა იესოსი. ამ ფილმის გადაღება 43 წლის ბრიტანელმა პროდიუსერმა მარკ ბარნეტმა გადაწყვიტა თავის მეუღლესთან ერთად. გადაღება დაჯდა 22 მილიონი დოლარი. ახლო აღმოსავლეთსა და მთელს მსოფლიოში დაიწყეს მსახიობების შეგროვება, კონსულტანტებად კი მოიწვიეს ათობით მოძღვარი და მეცნიერი.