მოსკოვი ყოველთვის იზიდავდა ხალხს რეგიონებიდან, რადგანაც აქ განათლებაც შეიძლება მიიღო და სამსახურიც იშოვო. სერიალი 35 წლის წინანდელ ამბებს მოგვითხრობს. ეს ის დროა, როცა ვალოდია ლენინის და იოსება სტალინის მეთაურობით, უნიფხვოთა მიერ შექმნილ საბჭოთა კავშირს დაშლამდე აღარაფერი უკლდა... ფილმის გმირ გოგონას, საშა ლინკოვას, მძიმე ბავშვობა ჰქონდა. ის, в приюте - ბავშვთა სახლში აღიზარდა. ბავშვთა სახლი და ისიც საბჭოეთში, მოგეხსენებათ, რაც იქნებოდა. ამოტომაც, გოგონა ყოველგვარ სიყვარულს, მშობლიურ ზრუნვასა და ადამიანურ მოპყრობას იყო მოკლებული. ის გულჩათხრობილი და დაკოპლექსებული გახდა. მიუხედავად ამისა, საშას ფარხმალი არ დაუყრია და თავის გადასარჩენად პროვინციიდან მოსკოვს მიაშურა. მას იმედი აქვს, რომ ეს ქალაქი მოლოდინს არ გაუცრუებს და თავისი მიზნის მიღწევაში დაეხმარება. საშა გადაწყვეტს უმაღლესი განათლება მიიღოს, მაგრამ სურვილი ერთია და შესაძლებლობა მეორე...