ეს ისტორია მაშინ დაიწყო, როცა ორკებმა ადამიანთა სამყაროში შეაღწიეს და გადაწყვიტეს მათთვის უცხო მხარეში დასახლებულიყვნენ. მაგრამ სამეფო, რომელსაც მეფე ლეინი განაგებს, ვერ მისცემს უცხო არსებებს იმის უფლებას, რომ მშობლიური სანახები დაიპყრონ და მათ მიწებს დაეპატრონონ. ასე დაიწყო ადამიანთა პირველი ომი აზეროტის მიწებზე. ყველაზე საშინელმა ბოროტებამ მოიყვანა ორკები თავიანთი პლანეტიდან ადამიანთა და დვორფთა მიწაზე. მალე სისხლის მღვრელი ომები გაჩაღდება სამეფოს მიწებისთვის. შტორმგრადი ყოველთვის მაგარი და ძლიერი იყო მტერთან ბრძოლაში. მაგრამ, ასეთ ძლიერ მეტოქეს არასოდეს შეხვედრია. ეს ყველაფერი, ჯერ კიდევ შორეულ დრენორის მიწებზე დაიწყო. ეს ორკების თავშესაფარი გახლდათ - და აქ მცხოვრები უძველესი და ბრძენი ხალხი ცნობილი იყო თავისი ძლიერებით. მთელი მათი ცხოვრება - ომები და ბრძოლები გახლდათ, რაც კლანების დაპირისპირებითა და სხვა არსებების შემოსევებით იყო გამოწვეული.